Ma’lumotlarni o‘chirish

1. Qaysi ma’lumotlarni o‘chirish mumkin

Quyidagi ma’lumotlarni o‘chirishni so‘rashingiz mumkin:

• soffcrm.uz saytidagi demo va boshqa arizalar orqali yuborgan ma’lumotlaringiz (ism, telefon raqami, markaz nomi, Telegram username);
• Facebook, Instagram va boshqa platformalardagi reklama shakllari orqali bizga yuborgan ma’lumotlaringiz;
• Soff CRM dagi o‘quv markazingiz yoki mustaqil ustoz hisobingiz va unga kiritilgan ma’lumotlar.

2. So‘rov yuborish tartibi

Ma’lumotlarni o‘chirish uchun quyidagi kanallardan biri orqali murojaat qiling:

• Telegram: @soffcrm_manager;
• Telefon: +998 77 366 78 11.

So‘rovda quyidagilarni ko‘rsating:

• ism va familiyangiz;
• ma’lumot yuborilgan telefon raqami;
• hisob bo‘lsa — uning manzili (masalan, markaz.soffcrm.uz);
• nimani o‘chirish kerakligi: faqat ariza ma’lumotlari yoki hisob butunlay.

Ma’lumotlaringizni boshqa shaxslardan himoya qilish uchun so‘rov ko‘rsatilgan telefon raqami orqali tasdiqlanadi. Hisobni o‘chirishni faqat hisob rahbari (CEO) so‘rashi mumkin.

3. Facebook va Instagram orqali berilgan ma’lumotlar

Agar ma’lumotlaringizni Facebook yoki Instagram dagi reklama shakli orqali yuborgan bo‘lsangiz, ularni o‘chirish uchun yuqoridagi kanallar orqali murojaat qiling — biz ularni o‘z tizimimizdan o‘chiramiz.

Facebook hisobingizdagi ilova ruxsatlarini o‘zingiz ham olib tashlashingiz mumkin:

• Facebook da “Sozlamalar va maxfiylik” → “Sozlamalar” bo‘limiga o‘ting;
• “Ilovalar va saytlar” bo‘limini oching;
• Soff CRM ni tanlang va “O‘chirish” tugmasini bosing.

Ruxsatni olib tashlash ilovaning yangi ma’lumot olishini to‘xtatadi. Avval yuborilgan ma’lumotlarni o‘chirish uchun bizga so‘rov yuboring.

4. Nima o‘chiriladi

So‘rov tasdiqlangach, ko‘rsatilgan ma’lumotlar bizning tizimlarimizdan o‘chiriladi yoki shaxsni aniqlab bo‘lmaydigan shaklga keltiriladi.

Hisob o‘chirilganda unga kiritilgan barcha ma’lumotlar (o‘quvchilar, guruhlar, to‘lovlar, xodimlar) bilan birga o‘chiriladi va ularni qayta tiklab bo‘lmaydi. Kerakli ma’lumotlarni oldindan saqlab oling.

Qonunchilikka ko‘ra saqlanishi shart bo‘lgan ma’lumotlar (masalan, to‘lov va buxgalteriya hujjatlari) belgilangan muddat davomida saqlanadi va shundan keyin o‘chiriladi.

5. Muddatlar

So‘rovlar qonunchilikda belgilangan muddatlarda ko‘rib chiqiladi. Odatda ma’lumotlar so‘rov tasdiqlangan kundan boshlab 30 kun ichida o‘chiriladi, va bu haqda sizga xabar beramiz.

6. O‘quv markazi kiritgan ma’lumotlar

Agar siz o‘quvchi, ota-ona yoki xodim bo‘lsangiz va ma’lumotlaringizni o‘quv markazi Soff CRM ga kiritgan bo‘lsa, avvalo shu markazga murojaat qiling: bu ma’lumotlar uchun markaz mas’ul.

Markaz javob bermasa, bizga yozing — so‘rovingizni markaz bilan birga ko‘rib chiqamiz.

7. So‘rov yuborish

Telegram: @soffcrm_manager
Telefon: +998 77 366 78 11