14 kun bepul sinab ko'ring

O'quv markazlari uchun CRM platformasi

Dars jarayonlari, administratsiya, lidlar, moliya hisoblari, to'lovlar, sms xabarnomalar, marketing, o'quvchi va ota-onalar uchun shaxsiy kabinet va boshqa ko'plab muhim funksiyalarni avtomatlashtirish orqali o'z markazingizni samarali boshqaring.

SOFF CRM platformasi imkonyatlari

Dars Jadvali

Guruh yaratish paytida siz tanlagan xona, o'qituvchi va dars vaqtlariga asoslanib, xonalar va o'qituvchilarning bandlik jadvalini ham ko'rishingiz mumkin. Shular asosida guruh yaratishingiz mumkin. Tizimdagi aqlli dars jadvali siz belgilagan hafta kunlari, dars vaqti va biriktirilgan o'quv xonalariga asoslanib, dars jadvalini avtomatik tayyorlab beradi. Bu sizga dars jadvalini tayyorlash uchun sarflaydigan ko'p vaqtni tejash va uni tuzishdagi xatoliklarni oldini olish imkonini beradi.

Ma'lumotlar Statistikasi (Diagrammalar Asosida)

Ma'lumotlar statistikasi tizimning asosiy oynasida keltirilgan bo'lib, unda o'quv markazining asosiy ko'rsatkichlari (jami o'quvchilar, xodimlar, guruhlar, qarzdor o'quvchilar, sinovdagi o'quvchilar va boshqa ma'lumotlar) diagrammalar asosida ifodalangan. Yuqoridagi ko'rsatkichlar markaz xodimlarining vakolatlari doirasida shaxsiy kabinetlarida ko'rinadi, faqatgina rahbar barcha ko'rsatkichlarni to'liq ko'rishi mumkin.

SMS xabarnomalar yuborish

Tizimning xabarlar bo'limi orqali darsga qatnashmagan o'quvchilarga ertasi kuni SMS xabar yuborish imkoniyatidan foydalanish yoki istalgan vaqtda SMS xabar yuborish imkoni mavjud. Tug'ilgan kun va bayram tabriklarini SMS xabarnomalar shaklida o'quvchilarning shaxsiy kabinetiga yoki ota-onalarining telefon raqamiga yuborish mumkin.

O'quvchi va ota-onalar uchun shaxsiy Kabinet

O'quvchilar va ota-onalar o'z shaxsiy kabinetlari orqali amalga oshirilgan to'lovlar, qarzdorlik, davomat, o'tkazilishi rejalashtirilgan imtihonlar, ularning natijalari va umumiy e'lonlarni doimiy kuzatib boradilar. Shaxsiy kabinetga telefon, planshet, kompyuter yoki boshqa qurilmalar orqali kirish imkoniyati yaratilgan.

To'lovlar va oylik maoshni hisoblash

To'lovlar bo'limi orqali o'quvchilardan to'lovlarni qabul qilish, agar o'quvchi bir nechta guruhda o'qisa, har bir guruh uchun alohida to'lov qilish, o'quchining to'lovlar tarixini kuzatish, o'quv markazining oylik va yillik tushumlarini avtomatik hisoblash imkoniyati mavjud. Har bir o'quvchi kurs uchun to'lovlarni amalga oshirgan vaqtda tizim tomonidan to'lov cheki shakllantiriladi. Tizimning oylik maosh bo'limida ajratilgan foiz yoki belgilangan summa asosida o'qituvchi va markaz hodimlarining oylik maoshlari tizim tomonidan avtomatik hisoblab boriladi.

Xodimlar uchun shaxsiy kabinet

Xodimlar shaxsiy kabinetlari orqali o'z vakolatlari doirasida tizimning barcha imkoniyatlaridan foydalanishlari, o'quvchilarni yo'qlama qilish, imtihonlarni tashkil etish va baholash imkoniyatiga ega bo'lishadi.

Marketing

Marketing bo'limi o'quv markazining reklama va marketing faoliyatini samarali tashkil etishga hamda samarasiz reklama faoliyatiga ortiqcha sarf-xarajatlarni kamaytirishga qaratilgan. Har bir ro'yxatga olinayotgan o'quvchilardan qaysi reklama orqali o'quv markaziga tashrif buyurganligi to'g'risida so'rovnoma o'tkazilib, natijasi tizimga kiritiladi. Tizim tomonidan kiritilgan so'rovnoma natijalari tahlil qilinib, eng samarali reklama usuli tavsiya etiladi.

Guruhlarni boshqarish

Yangi guruhlarni yaratish vaqtida guruhga biriktirilgan xodim va xonani hafta kunlari va dars vaqtlariga qarab bandlik jadvalini ko'rish orqali samarali guruhlarni tashkil qilish uchun ajoyib yechimlar taqdim etiladi. Guruhlar davomatini yuritish, imtihonlarni tashkil etish va baholash, o'quvchilar uchun chegirmalar kiritish, o'quchilarni guruhdan-guruhga o'tkazish imkoniyati mavjud. O'quvchi bir, ikki yoki undan ko'p guruhlarga ham qo'shilishi mumkin.

Moliya

O'quv markazining kunlik, oylik, yillik yoki ixtiyoriy vaqt oralig'idagi tushumlar, chiqimlar va foyda avtomatik hisobini ko'rish imkoniyati mavjud. Guruh to'lovlari bo'limida guruhlarda to'lanishi kerak bo'lgan va to'langan summalarni kuzatib borish mumkin. O'quv markazidagi chiqimlarni kiritish va ularni ro'yxatlarni shakllantirish imkoniyati mavjud. Tizimning oylik ishlash bo'limida ajratilgan foiz yoki belgilangan summa asosida o'qituvchi va markaz hodimlarining oylik maoshlari tizim tomonidan avtomatik hisoblab boriladi va oyliklar tarixi yozib boriladi.

Lidlar

Markazda o'qish niyati bo'lgan o'quvchilarni ro'yxatga olish, ular bilan aloqalar tarixini saqlash, birma-bir yoki har bir bo'limdagi barcha lidlarga bir vaqtda SMS yuborish, eslatmalar va ma'lumotlarni saqlash va ko'rish, guruhlarga biriktirish, filiallararo lidlarni almashish kabi imkoniyatlar juda sodda ko'rinishda ishlangan. Shuningdek, ijtimoiy tarmoqlar uchun maxsus havola formasini yaratib olish va ushbu havola orqali ro'yxatdan o'tgan o'quvchilarni lidlar bo'limida ko'rib, ular bilan aloqalarni olib borish mumkin.

Biz haqimizda

Samarali boshqaruvni yo'lga qo'yish, vaqtni tejash, o'quvchilar sonini ko'paytirish, yaxshi reklama tizimini tanlash, harajatlarni kamaytirish, markaz faoliyatini doimiy nazorat qilish imkoni.